Домашни бајадери
Оваа вкусна чоколадна магија ќе ја засакате многу повеќе кога ќе научите да ја подготвите за само 20 минути.
Состојки:
- 9 лажици вода
- 200g шеќери
- 150g мелени ореви, бадеми или лешници
- 250g мелени бисквити
- 170g путер
- 100g чоколадо за готвење
За глазура:
- 100g чоколадо за готвење
- Масло
Подготовка:
Во длабок сад измешајте ја водата со шеќерот и загревајте додека шеќерот не се растопи. Додајте го путерот и мешајте додека не се стопи. Кога путерот потполно ќе се соедини, додајте ги оревите и бисквитите, па добро промешајте додека не добиете изедначена смеса.
Добиената смеса поделете ја на 2 еднакви дела.
Чоколадото стопете го на пареа и измешајте го со еден дел од смесата.
На послужавник ставете хартија за печење и истурете ја чоколадната смеса и со рацете обликувајте правоаголник. Повторете ја постапката и со белата смеса.
Прелијте ја бајадерата со стопено чоколадо и оставете ја во ладилник најмалку 3 часа.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
