Студентите на приштинскиот универзитет протестираа поради изборот на новиот ректор

Поголема група студенти на приштинскиот Универзитет денеска го блокираа главниот влез на универзитетскиот Ректорат во знак на протест поради изборот на Рамадан Зејнулаху за нов ректор.

Еден од организаторите на протестот, Рифад Красниќи изјави дека студентите протестираат бидејќи при изборот на новиот лектор не биле почитувани правилата за изборната постапка.

- Денеска решивме да го блокираме влезот на Ректоратот, бидејќи при изборот на ректорот не беа почитувани правилата. Тој беше избран од страна на неговиот баџанак. Ние не сакаме да имаме ректори кои не се способни, кои не се менаџери и кои објавуваат научни трудови во непостоечки списанија, изјави Красниќи.

Изборот на нов ректор на приштинскиот Унверзитет уследи по оставката на неговиот претходник Ибрахим Гаши, кој пред шест месеци се повлече од должноста под притисок на студентските протести.