Рецепт: Шарен ајвар
Сега е сезоната на ајварот, па поради тоа ви нудиме еден интересен рецепт за вкусен шарен ајвар.
Состојки:
- 12kg пиперки
- 3kg модар домат
- 2kg моркови
- 1,5l масло
- 250g шеќер
- 200ml оцет
- 4 лажици сол
- 100g сенф
Подготовка:
Пиперките и модрите домти испечете ги, излупете и сомелете. Морковите сварете ги и сомелете ги. Сите зеленчуци измешајте ги во голем сад, па додајте го маслото, шеќерот, оцетот и солта.
Варете во длабоко тенџере на умерена температура, со повремено мешање, додека не забележите згуснување на дното на садот.
Тргнете ја смесата од оган и додајте го сенфот.
Чистите и суви тегли ставете ги во рерна, вклучете ги на 100 степени и по 15-20 минути пресипете го топлиот ајвар. Затворете ги теглите, замотајте ги во пешкир и оставете ги да се изладат.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
