Горан Попов го облече дресот на Вардар - дебито ќе го има на 1 јануари 2015

Екипата на Вардар се засили со македонскиот репрезентативец Горан Попов. Договорот беше официјализиран попладнево, а како што обелоденија од тимот на официјалната интернет страна, Попов дресот на црвено-црните ќе го носи наредните три години. 

Попов претходно го прекина договорот со Динамо Киев, кој имаша важност до 2016 година. Тој со Вардар првиот меч ќе го има на 1 јануари 2015 година. 

До тогаш бекот ќе настапува во лигата за „Б“ екипи, и преку тоа натпреварување ќе има можност да влезе во натпреварувачки ритам.

Попов потекнува од фудбалската школа на струмичкиот тим Беласица, а во својата кариера ги носеше дресовите на АЕК, Црвена Звезда, Одра, Егалео, Левадијакос  Херенвен, Динамо Киев и Вест Бромвич Албион.

Превземено од rkvardar.mk