Пирло во јануари ќе го засили ЛА Галакси
Андреа Пирло фудбалерот на Јувентус во текот на јануарскиот преоден рок ќе го засили Лос Анџелес Галакси, пренесува денеска телевизијата „ЕСПН“.
Како што се наведува во информацијата, Галакси е подготвен на Италијанецот да му исплаќа годишно по 3,5 милиони евра, колку што е неговата заработка во Јувентус.
Во американскиот клуб Пирло би требало да ја преземе лидерската улога од Лендон Донован кој најави завршување на кариерата.
Минатата сезона Пирло во Серија А одигра 42 натпревара и постигна шест погодоци, а во новото првенство почетните рунди ги пропушти поради повреда на колкот.
Можноста италијанскиот репрезентативец да го напушти Јувентус беше најавена летото по доаѓањето на тренерот Масимилјано Алегри кој го „избрка“ Пирло од Милан.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
