Телото пронајдено во Егејско море е со иста висина како Дениса
Завршена е обдукцијата на пронајденото тело на Карпатос за кое постои сомневање дека е исчезната Дениса, сега се чека примерок од ДНК од роднините за да се направи споредба. – велат за Канал 5, од институтот за судска медицина на островот Родос.
Форензичарот Панајотис Котрецос кој ја правеше обдукцијата, за Канал 5 вели дека поради лошата состојба во која било телото не може да се утврди точната причина и времето кога настапила смртта, меѓутоа немало траги на насилство и веројатно станува збор за давење. Тој додава дека чекаат ДНК примерок од роднина на Дениса, за да може и официјално да се потврди или демантира дека пронајденото тело е на исчезнатата македонка. Најчесто анализите завршуваат за 2-3 дена од моментот кога ќе се добие примерокот од роднина.
Телото кое во саботата го пронајде крајбрежната служба на островот Карпатос, било без облека, а морето веднаш до трупот исфрлило и една обувка – објаснуваат за Канал 5 одговорните за истрагата. Велат дека во случај на давење и толку дена поминати во море логично е што телото било без облека. И оттаму ги потврдуваат сомневањата дека станува збор за Дениса Маркоска, а како еден пример ја посочуваат висината, 1.65 што одговара на висината на 23 годишната Македонка.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа