Вучиќ за инцидентот: Ова беше страшна провокација

Србија ќе остане вистински столб на стабилноста на Западен Балкан и тоа ништо не може да го загрози, порача српскиот премиер Александар Вучиќ во изјава за Си-ен-ен, по повод инцидентот на фудбалскиот натпревар меѓу Србија и Албанија.

– Ова беше страшна провокација, Не знаеме кому тоа му требаше, но факт е дека на стадионот беа присутни само албански претставници. Се надеваме дека ќе ја надминеме оваа глупава ситуација, рече Вучиќ.

Како што јави Танјуг, Си-ен-ен, ја емитуваше изјавата на српскиот премиер во рамки на прилогот за натпреварот меѓу Србија и Албанија, што е прекинат во 42-та минута по инцидентот со албанското знаме.