Грчки обвинител бара судски процес против 70 членови на Златна зора

Грчкиот обвинител Исидорос Дојакос, кој ја води истрагата против ултрадесничарската грчка партија Златна зора, сака да подигне обвинение против 70 членови на партијата, вклучително и лидерот и 17 пратеници.

Дојакос на 700 страници објаснува зошто бара кривична одговорност за 15-те членови на Златна зора, кои се првично осомничени.

Се очекува тричлен судски совет во наредните денови да се произнесе за конечниот вид на обвиненија, кои варираат од раководење со криминална организација до престапи поврзани исо оружје.

Златна зора на парламентарните избори во 2012 година освои 18 од вкипно 300 пратенички места во Парламентот.