Две македонски компании добија европска награда за квалитет
Европска награда за квалитет што ја доделува Global Trade Leader’s Club во Париз добија две македонски компании. За квалитет во гастрономија, ресторанство и хотелиерство наградата ја доби „Хацат“, а за квалитет во градежништвото компанијата „Адора инженеринг“.
Компанијата „Хацат“ работи од 2001 година. Основна дејност и е производство, дистрибуција на оброци и кетеринг сервис. Дневно произведува и испорачува околу 4.800 оброци (доручеци, ручеци и вечери) за потребите на Клинички Центар – Скопје. Снабдува и дистрибуира оброци и за неколку градежни компании. Има имплементирано ХАЦЦП систем и ИСО90001. Вработува 74 лица.
Адора Инженеринг е специјализирана за изградба и проектирање на луксузно станбено – комерцијално и резиденцијални згради. Од страна на SGS е Меѓународно сертифицирана градежна компанија за квалитет ИСО 90001 : 2008 со јасно дефинирана политика за квалитет и ИСО 14001: 2004 за заштита на животната средина.
Наградата на компаниите им беше доделена од страна на генералниот секретар на Global Trade Leader’s Club, Рикардо Росо Лопез.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
