Стружанец осиромаши преку ноќ

Во полициската станица Струга вчера З.А. од селото Делогожда пријавил дека во неговата куќа била извршена тешка кражба. Стружанецот пријавил дека му биле одземени мал куфер во кој имало лични документи, документи за идентификација и разновиден златен накит, со што бил олеснет за околу 150.000 денари.

Според податоците од полицијата, крадецот со алат ја отворил балконската врата од куќата, влегол внатре, се упатил во спалната соба и откако ги одзел предметите избегал од местото на настанот.