ПРЕДУПРЕДУВАЊЕ ЖОЛТА ФАЗА: Попладне интензивни врнежи

Врнежи, а локално во северната половина од земјата и грмежи ќе го започнат денот среда. Претпладне ќе има мало намалување на интензитетот на врнежите, а попладне повторно локално тие ќе бидат позначителни, особено во североисточниот регион. Најслаби врнежи се очекуваат во југозападниот регион и истите во тој крај ќе бидат позастапени наутро.

Минималната температура ќе биде во границите од 8°С до 12°С.

Максимална температура околу 15°С се очекува во котлините на северниот и источниот регион. Југозападниот регион очекува топол ден со максимални 15°С. Во југоисточниот крај температурата ќе достигне до 17°С

Во скопската котлина позначителни врнежи се очекуваат наутро и попладне и истите ќе бидат проследени со ретка појава на грмежи. Вечерта ќе донесе постепен престанок на дождот. Минималната температура ќе има вредност околу 10°С. Дневниот максимум на температурата на воздухот ќе достигне до 16°С.