Волшебните раце против Дауновиот синдром: Скопјанката Елизабета прави вистиснки ремек дела
Во скромната девојчинска соба во малиот приземен стан во скопската населба Хиподром, Елизабета Петковска (44), жена со Даунов синдром, ги создава своите мали ремек-дела од конец и мониста. Плетењето, како што вели самата, е она што најмногу сака да го прави и во кое ја вложува сета своја љубов. Претворајќи ги разнобојните конци во плетени ѓердани, прекривки за маса, милјеа со прекрасни мотиви и декорирани украси за коса, Бети го исполнува слободното време, но и ги развеселува најблиските и пријателите, бидејќи многу сака и да подарува. Нејзините ракотворби што претходно ги имавме видено на нејзината ФБ-страница во живо изгледаат уште повпечатливо.
Уште како девојче имала вешти раце
Кога заѕвонивме на вратата, Бети нѐ пречека со срамежлива насмевка, но по кратко време се опушти и со гордост ни ги покажуваше своите изработки уредно наредени на масата и по софите во дневната соба.
Дека Бети има вешти раце, нејзините родители откриле уште кога била девојче.
- Јас не знам да плетам, но затоа пак мајка ми, бабата на Бети, плете многу убаво. Таа ѝ даде игла и конец в раце уште кога беше малечка. Прво почна да плете милјеа, кои на времето беа многу модерни, а има сплетено и подарено многу работи - вели мајка ѝ Мирјана Петковска.
Бети неколкупати им плетела чеиз на сосетките и на нејзината помлада сестра.
- Неодамна многу ја израдува и внуката подарувајќи ѝ прекрасно бело коланче со плетени рози и бисери за нејзиниот роденден - вели Мирјана.
За своите прекрасни креации Бети се инспирира од ракотворбите што ги наоѓа на Интернет, особено за разнобојните ѓердани со плетени рози, кои ги изработува со голем мерак и кои се вистински магнет за нејзините пријателки и познанички.
Целата сторија за жената со волшебни раце прочитајтеја во Нова Македонија
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа