Пире од компир и спанаќ (посно)

• 
• 500 гр компир
• 2-3 грста листови спанаќ
• 3-4 лажици маслиново масло
• 200 мл вода/млеко
• сол, мешан сув зачин
• Најпрво компирите се лупат и се сечкаат на коцки и ги ставаме да се варат. За тоа време го миеме спанаќот. Откако сме ги измиле листовите спанаќ, како совет кој го прочитав на интернет и го применувам - може да ги ставите во еден сад со топла вода во која сме додале оцет и малку морска сол за да ги исчистиме убаво. Треба да стојат околу 10-тина минути, па повторно ги миеме убаво со ладна вода.

Кога компирите се варени ги ставаме во соодветен сад, ги посолуваме, ставаме зачини, маслиново масло и листовите спанаќ и додаваме млеко или од водата во која се вареле, по потреба,. Блендираме додека не се добие убава смеса. Доколку сакате спанаќот да остане на поголеми парчиња, додадете го при крајот.