ФОТО: Пратеничката Ласовска ги сослуша проблемите на граѓаните

Пратеничката на ВМРО-ДПМНЕ Благица Ласовска денеска беше во посета и оствари средби со граѓаните на Општина Лозово. Граѓаните од Општина Лозово пред пратеничката Ласовска имаа можност да ги истакнат реалните проблеми со кои се соочуваат како и да дадат своите предлози и сугестии.

 Ласовска истакна дека ова е добра можност граѓаните од Лозово без да патуваат во Свети Николе каде што е пратеничката канцеларија, да остварат дирекна средба со неа како претставник на законодавниот дом и додаде дека целта на овие средби е пратениците да бидат подостапни за граѓаните.

 - Да се слушне гласот на што поголем број граѓани и во овие средини каде што немаме пратеничи канцеларии, да се разберат и да им се помогне во нивните потреби и проблеми е начин на работа на пратениците на ВМРО-ДПМНЕ потенцираше  Ласовска.

             Помошната канцеларија на пратеничката Ласовска во изминатите месеци ја посетија голем број граѓани од општина Лозово. Граѓаните овие средби ги користат и да се информираат за проектите кои се во тек.  

             - Јас сум земјоделец и сакам да се информирам за можноста за обработка на државното земјоделско земјиште кое се уште не е дадено под концесија во атарот на нашето село, истакна Стојан Пешевски од село Каратманово.  

            Градоначалникот на Општина Лозово Орце Цветковски е задоволен  што постои канцеларија на пратеникот во неговата општина.

            - Континуираното присуството на пратеничката во нашата општина, покрај граѓаните, придобивка има и локалната самоуправа. Ние дирекно ја запознаваме пратеничката со нашите локални проблеми и е во постојано следење на состојбите, каде подоцна преку нејзината позиција на пратеник може да ги изнесе на повисоко институционално ниво за нивно решавање, истакна градоначалникот Цветковски.

               Пратениците на ВМРО-ДПМНЕ во изминатиот период посетија повеќе од 408 населени места низ целата држава. Голем дел од вчерашните пратенички прашања се како резултат на овие директни средби со граѓаните.