ФОТО: Еве зошто беше прекинат мечот меѓу Тотенхен и Партизан

Фудбалерите на Тотенхем и Партизан дури три пати мораа да го прекинат дуелот во Лигата на Евроа поради упад на навивачи на теренот, а некои фанови на премиерлигашкиот тим се одлучија и да го овековечат овој момент.

На големата неодговорност на чуварите на редот кумуваа неколку навивачи кои излегоа на теренот на „Вајт Харт Лејн“ а еден од нив дури искористи и прилика да се слика со офанзивецот на Тотенхем Ерик Ламела кој и не беше презадоволен што играта толку често беше прекинувана.

Интересно е тоа што сите три навивачи носеа иста маица на која беше напишано името на една компанија, така што веќе низ социјалните мрежи оваа акција ја сватија како еден вид на реклама на „БасБада“ која ги произведува слушалките, а инаку е спонзор на Тотенхем.