Државниот долг се намалува согласно податоците на МФ
Последниве три месеци се намалува во континуитет долгот на државата. Во ноември во однос на октомври долгот на државата е намален за 65 милиони евра.
Заклучно со 30 ноември 2014 година, долгот на централната влада е намален 38,9 на 38,1 отсто од БДП. Јавниот долг, кој освен долгот на централната влада го вклучува и долгот на општините и јавните претптијатија изнесува 45,5 отсто од бруто – домашниот производ. Ова во однос на октомври е намалување за 0,7 отсто, а во однос на септември за 1,1 отсто.
Причина за континуираното намалување на долгот е намалувањето на издавањето на државни хартии од вредност како и исплатата на обврските кон ММФ.
Намалувањето на задолжувањето по основ на ДХВ продолжи и годинава, така што на почетокот на месецов беа вратени 220 милиони денари во стопанството без да бидат издадени нови хартии од вредност.
На крајот од годинава треба да исплати и еврообврзницата што дополнително ќе го намали државниот долг за 150 милиони евра.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
