Зголемен бројот на работници во индустријата
Бројот на работници во индустријата во јануари е зголемен за 3,5 проценти во споредба со истиот месец минатата година, објави денеска Државниот завод за статистика.
Пораст од 4,4 проценти се бележи во секторот Преработувачка индустрија, додека во секторот Рударство и вадење камен има опаѓање за 3,7 проценти и во Снабдување со електрична енергија, гас, пареа и климатизација за 0,7 проценти.
Според главните индустриски групи, пораст има кај Интермедијарни производи, освен енергија за 5,9 отсто, Капитални производи за 30,5 отсто и Трајни производи за широка потрошувачка за 3,4 отсто, додека опаѓање има кај Енергија за 4,5 проценти и Нетрајни производи за широка потрошувачка за 0,5 проценти.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
