Посна бајадера со кокос

Потребни состојки:

• 1dl вода
• 300g шеќер
• 250g маргарин
• 250g кокос
• 200g мелени ореви
• 200g чоколадо за готвење

Подготовка:

Сварете ги водата и шеќерот 5-6 минути, додека шеќерот не се растопи. Додајте 200g маргарин и постојано мешајте.

Тргнете го тенџерето од рингла, па додајте го кокосот и оревите.

Добро измешајте ја густата смеса и поделете ја на 2 дела. Во еден од нив додајте 100g од чоколадото за готвење и мешајте додека не се стопи.

Во мала правоаголна тава ставете го прво посветлиот дел, па чоколадниот. Израмнете ја бајадерата, па прелијте ја со топено чоколадо и преостанатите 50g маргарин.

Колачот до служењето чувајте го во фрижидер.

Извор: Попара.мк