Се запали зграда во Тетово - голем број станари завршија во болница
Вчера избувнал пожар во најголемата висококатница во Тетово во станбениот блок 82.
Тетовските пожарникари ги спасувале станарите откако пламените јазици ја зафатиле зградата, а дел од станарите се жалеле на затруеност со гасови и веднаш биле пренесени во болница.
Целосно изгореле пет подрумски простории, главниот електричен кабел и пластичните цевки од фекалната канализација во зградата.
Тетовската полиција под сомнение дека го предизвикале пожарот ги привела Ш.Х и А.Х. од Тетово, но потоа биле ослободени.
ФОТО: Сител
