Познатата Јелена за малку ќе ја продаделе за пари

Познаници на Јелена Голубовиќ тврдат дека нејзината мајка за малку ќе ја продадела ќерка си кога имала 4-5 години, бидејќи германски брачен пар и нуделе за неа цело богатство.

- Вистина е дека сакаа да ја купат. Тие се луѓе од Германија, добар пар, барем на изглед. Тие со години летуваа во истата вила на Хвар, каде што и ние фамилијарно престојувавме. Јелена имаше четири години кога почнавме таму да одиме. Парот при првата средба со Јелена покажуваа чудни реакции. Таа навистина беше слатко дете со весели очи. Секојдневно и купуваа слатки и разни подароци, а веќе после неколку дена почнаа, како да се шегуваат со мене дека сакаат да ја посвојат Јелена. На почетокот тоа го сфатив како шега, па и нив им одговарав на тој начин: Може, може, само дајте добри пари и носете ја веднаш со вас. Но тие тоа не го сфатија како шега и после неколку дена ме викнаа на тераса на вечера и тогаш ми дадоа конкретна понуда, после која за малку не ги турнав на подот. Ми понудија се што имаат и уште пари ако треба само да им ја дадам Јелена. Рекоа дека законски ќе ја посвојат и ќе ја одведат во Германија, рекла мајката на Јелена за еден српски магазин.