НОВИ ВРАБОТУВАЊА: „Маркарт“ ја отвора фабрика во Велес
Германската компанија „Маркарт“ денеска во индустриската зона Караслари кај Велес ќе ја отвори новоизградената фабрика. Се работи за инвестиција од 35 милиони евра, а со отворањето на фабриката се очекува да се вработат околу 600 лица. Во фабриката ќе се произведуваат автомобилски делови за врвни германски брендови како Мерцедес, Ауди и БМВ.
На свеченото отворање најавено е присуство на претставници на Владата, на сопственикот на групацијата Маркарт и на генералниот директор на Маркарт Македонија, Аицхер Волфганг.
Во март минатата година германската компанија донесе одлука за инвестирање во Македонија, а првиот контакт меѓу германскиот инвеститор и претставниците на македонската Влада беше воспоставен во 2008 година.
Одлуката за инвестирање во Македонија, како што изјавија од компанијата, ја донеле поради квалификуваната работна сила и стабилната економска политика.
„Маркарт“ е основана 1925 година. Досега има отворено фабрики во повеќе земји низ светот, а годишниот обрт на компанијата и околу 700 милиони евра.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
