Специјалната епизода на „Шерлок“ ексклузивно на MaxTV

Најпознатиот детектив на светот пристигнува во Pickbox видеотеката, достапна екслузивно на MaxTV. Корисниците на Македонски Телеком ќе можат да ја видат долгогочекуваната специјална епизода на „Шерлок“ на 8 јануари 2016 година на Pickbox, каде што може да се гледаат и преостанатите 3 сезони од серијата. Овој филм особено го прават возбудлив актерите Бенедикт Камбербач и Мартин Фримен, коишто гледачите ги носат директно на улиците на магливитиот викторијански Лондон.

Шерлок Холмс е еден од најпортретираните ликови во филмската историја, а улогата на „Шерлок“ досега ја играле над 70 телевизиски и филмски актери. Без оглед на многуте адаптации, „Шерлок“ на Стивен Мофат и на Марк Гатис стана глобален феномен. Освен што се гледа на сите страни од светот, само во Кина го следат над 90 милиони гледачи.