Нафтата поскапува - Регулаторна со нови цени

Цената на нафтата вчера забележа раст откако Русија потврди дека е подготвена да разговара со OPEC за нивото на производството.

На лондонската берза цената на барел нафта се искачи на 33,29 долари. На американската берза пак барел нафта се продаваше за 30,42 долари.

До следната корекција на цените која е закажана за 8 февруари има  една недела, но денешниот курс на доларот во однос на денарот бележи тренд на опаѓање, па еден долар чини 55,17 денари.

Ако се задржи овој тренд, имајќи го предвид малиот простор за маневар на Регулаторот, но и најавите за благ раст на цените на светските берзи, во февруари можеме да очекуваме задржување на актуелните цени или поради евентуални значителни промени на курсот на доларот движење на цената меѓу половина и еден дена и тоа во двата правци.
Предвидувањата се дека во вторник нема да има некоја посериозна корекција, а доколку тоа се случи, очекувањата се малопродажните цени да тргнат надолу.

Во моментов малопродажните цени на бензините во Македонија се на рекордно ниско ниво. Во архивата на Регулаторната комисија во која најстариот извештај датира од март 2006 година не можете да најдете одлука со пониски цени.

Сега, на бензинските пумпи низ Македонија ЕУРОСУПЕР БС 95 се точи за 57,5  денари по литар, ЕУРОСУПЕР БС 98 за 59,5 денари а литар ЕУРОДИЗЕЛ чини 39 денари.