ОК ВМРО-ДПМНЕ Битола: Техничкиот министер Спасовски наместо да дава изјави полни со лицемерие да се зафати за работа

Техничкиот Министер за внатрешни работи, Оливер Спасовски, кој од првиот работен ден се занимава исклучиво со згрижување на партиски кадри по наредба и налог на партискиот лидер Зоран Заев и кој ќе остани запаметен по тоа што незаконски го уапси единствениот македонски Градоначалник во Албанија, се појави во Битола и зборуваше за корупција и партизација на институциите, истакна Борче Димитровски, претседател на ОК ВМРО-ДПМНЕ Битола.

-Му порачуваме на техничкиот министер наместо да дава изјави полни со лицемерие, да се зафати за работа и да работи за интересот на граѓаните, а не за интересот на партијата. Го повикуваме да ги открие напаѓачите на Претседателот на Светскиот Македонски конгрес, Тодор Петров, и да побара соодветна санкција за нив. Се разбира, ако крвавите сценарија кои ги најавија партиските кадри што ги вработи во МВР не се негова крајна цел, додаде Димитровски.