Голем пожар беснееше во кумановско

 

Помошни објекти и сточна храна изгореле во пожарот што се случи вчера во атарот на кумановското село Доброшане кај регионалниот пат Куманово - Свети Николе. Како што информираа денеска од кумановската територијална противпожарна единица, чии пожарникари со три противпожарни возила го гаснеле пожарот од 13:10 до 18:10 часот, целосно изгореле помошните објекти, но биле спасени 450 овци.

 

По наредба на кумановското Основно јавно обвинителство увидна екипа на СВР Куманово излегла на терен и според првичните податоци, во пожарот изгореле 30 тони жито, 1.200 бали овес, околу 1.000 бали сено и 900 бали слама.Објектот, сопственост на 33 годишен кумановец, бил со површина од над 400 метри квадратни.