Ресен ќе обезбеди 120 парцели за проектот „Купи куќа за млади“

Ресен ќе обезбеди околу 120 парцели за проектот „Купи куќа за млади“, рече градоначалникот Ѓоко Стрезовски на денешниот состанок.

Стрезовски нагласи дека македонско- турска компанија ќе отвори нов капацитет во Преспа со 100 нови вработувања. Има заинтересирано уште една италијанска (35 вработувања) и грчка фирма.

– Се развиваат и индустриските зони Преспа текст и Макази. Во Макази веќе работи Еплленд, а има интерес од инвеститори и за втората парцела. Во Преспа текст 20-тина компании веќе работат, а таму ќе започнат со градба и други компании, рече Стрезовски.