Одбиени предлозите на СЈО за мерки за претпазливост за случајот „Тврдина“
Скопскиот Кривичен суд ги одби предлозите на СЈО за определување мерки за претпазливост за три лица опфатени со предметот „Тврдина“.
– Судија на претходна постапка при Основниот суд Скопје 1 – Скопје постапувајќи по предлог на Обвинителството за гонење кривични дела поврзани и кои произлегуваат од незаконското следење на комуникациите (СЈО) за определување мерки за претпазливост против лицата Т.Ј., Н.Б. и В.С. опфатени со предметот на СЈО познат како „Тврдина“, по сослушување на лицата во однос на предлогот, донесе решенија со кои го одби предлогот на обвинителството за сите три лица, се наведува во денешното соопштение од Судот.
Против овие решенија дозволено е право на жалба до Кривичниот совет на овој суд во рок од 24 часа по приемот на решенијата, велат од Кривичниот суд.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
