Утре дожд и грмежи - од петок пораст на температурите
Времето утре претпладне во Македонија ќе биде променливо облачно со сончеви периоди, а попладне во јужните и западните делови ќе има локален дожд и појава на грмежи. Ќе дува слаб до умерен ветер од северен и североисточен правец.
Утринската температура ќе се движи од 10 до 18, а дневната од 24 до 30 степени.
Во Скопје променливо облачно со повеќе сончеви период и со слаб до умерен ветер од северен и североисточен правец. Утринската температура ќе се спушти до 16, а дневната ќе се искачи до 27 степени.
УВ-индексот ќе има вредност 6.
Од петок ќе преовладува стабилно време со постепен пораст на дневната температура која во недела ќе се движи помеѓу 27 и 32, а во понеделник помеѓу 28 и 35 Целзиусови степени.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
