Агенцијата за туризам го промовира брендот „Macedonia Timeless" во Франција
Македонската туристичка понуда по втор пат се претстави пред потенцијалите француски туристи. Агенцијата за промоција и поддршка на туризмот на Република Македонија (АППТ) во наредните 3 дена ја промовира туристичката понуда на земјава на саемот за туризам во Париз, Франција (IFTM TOP RESA 2016).
Привлекувањето на туристи во оваа земја се одвива преку прилагодена туристичка понуда за детектираниот интерес кој е насочен кон недопрената природа и културата на земјава. Туристичката понуда на Македонија е во конкуренција со понудата од 1700 тур – оператори од светот, а најголем е интересот од страна на младите парови, семејства и поединци. Интересот на француските туристи е најголем за авантурата, кратки посети на градови и култура, а својот одмор, неверојатни 70% од француските туристи преферираат да го резервираат преку интернет.
На саемот за туризам во Франција, претставници на АППТ остварија бројни состаноци на кои ја презентираа туристичката понуда на земјава и ги испита можностите за соработка со Trip Advisor, Travel Magazines, Open2Europe, IndigoConsulting.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
