На последната седница на Советот на Општина Центар, советниците на СДСМ донесоа одлука за финансиска стимулација на невладини организации и новинари кои беа дел од организацијата на маршот на СДСМ/Сорос.
Невладината организација на новинарите Томислав Кежаровски и Емилија Лазаревска, „Центар за професионално и истражувачко новинарство“, од Општина Центар добија простории на користење, а на поголем број други невладини организации им беше доделена финансиска инјекција во пресрет на изборите.
Освен директната финансиска помош на невладините организации од кои СДСМ/Сорос очекуваат поддршка во предизборниот период, Паркинзи на Општина Центар (ПОЦ) донесе одлука за вработување на поголем број лица од кои најголемиот дел партиски активисти на СДСМ.
-Имено, од пред неколку дена во претпријатието со кое директорува Саша Богдановиќ, кој инаку е претседател на општинската организација на СДСМ Центар, меѓу другите на неопределено се вработени Дарко Конески- долгогодишен активен член на СДММ, Фуад Шабановиќ- роднина на на Елвир Шабановиц кој е активен член во СДММ, Бранислав Остојиќ- член на СДММ и Тодор Јаневски- член на СДСМ Центар, објави Денешен.
СДСМ го претвори ПОЦ во најоптоварената партиска фирма каде на државен трошок се вработуваат синови и ќерки на партиски функционери.
Од неодамна во ПОЦ е вработен синот на Љубомир Фрчкоски, 23 годишниот Јон Фрчкоски. Младиот Фрчковски е на работната позиција Оператор на паркинзи. Медиумите веќе пишуваа дека во ПОЦ била вработена и Катерина Иванова Бекири, сопруга на Захир Бекири Чауш, член на СДСМ и близок соработник на Зоран Заев кој креираше фабриката за афери на СДСМ.
Во Паркинзи Центар директорот Богдановиќ за раководител на сектор го поставил својот кумашин Ѓорѓи Димитриевиќ, а главен на внатрешна контрола е бившиот советник на СДСМ во општината Александар Цветановски Бабуш. Во претпријатието на работна и позиција е и братот на Дејан Тодоровски Гзе, а ќерката на неговата сопруга е вработена во општина Центар. Во ПОЦ работи и поранешниот претседател на СДСМ Центар Фјодор Доброхотов.
