Канческа-Милевска: Продолжуваме со силно темпо во исполнување на сите проекти
Кризата во Република Македонија која траеше подолго време и беше наметната од СДСМ и нанесе огромна штета на граѓаните и државата конечно заврши, истакна денес Елизабета Канческа Милевска по средбата со граѓаните од скопско Тафталиџе.
-На 11 декември убедена сум дека сите граѓани на Република Македонија ќе гласаат за стабилна и просперитетна Р.Македонија, ќе гласаат за иднината на нашата држава и политиките и програмата на ВМРО-ДПМНЕ. Како партија, како и досега и во наредниот период продолжуваме со интензивна комуникација со граѓаните. Фокусот ќе бидат граѓаните, нивните потреби, барања, проекти. ВМРО-ДПМНЕ ќе има обемна програма со огромен број на проекти како никогаш досега, проекти во сите области, истакна Канческа-Милевска.
Таа додаде дека партијата продолжува со едно силно темпо во исполнување на сите проекти.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
