Викендов снег во Македонија
Времето утре во Македонија ќе биде облачно со врнежи од дожд, а на повисоките планини од снег. Пообилни врнежи ќе има во попладневните часови во северозападните и североисточните делови каде локално се очекува да наврнат над 25 л/м2. Ќе дува умерен до засилен југозападен ветер.
Утринската температура ќе се движи од четири до 10, а дневната од 10 до 16 степени.
Во Скопје претежно облачно со повремен дожд и со умерен повремено засилен јужен ветер.
Утринската температура ќе се спушти до осум, а дневната ќе се искачи до 13 степени.
Од недела следува период на променливо облачно и посвежо време со сончеви периоди. Утринските температури наместа ќе се спуштат и под нулата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа