СИТЕЛ: Болницата 8 септември го засили обезбедувањето по неодамнешниот инцидент
Засилено обезбедување во ГОБ 8-ми септември по дивеењето во Ургентниот центар од пред десетина дена. Менаџментот на установата направил прераспределба и од фирмата која ја обезбедува болницата дежурствата биле појачани со кадар. По инцидентот на 4-ти ноќта, кога толпа од 40 тина лица кршеле во просториите по смртта на нивни член од семејството, досега немало нови закани и провокации од пациенти и посетители. Случајот го затвори и МВР. Минатата недела во полициската станица во Карпош, по претходна идентификација биле повикани двајца од оние кои кршеле. Поради нарушување на јавниот ред и мир, за сторениот прекршок добиле платни налози и треба да платат глоба од по 400 евра.
Причина за нередите во Ургентниот центар е смртта на роднина, кој лекарите не успеале да го вратат во живот и по 40 минути поминати во собата за реанимација. Неговата состојба била критична и за време на транспортот со возило на Брза Помош. Дежурниот медицински персонал бил видно вознемирен по хаосот кој следувал потоа.
-Често сме мета на вербални и физички напади, но овој ја прелеа чашата и досега сме немале ваков инцидент, вели Сашо Стојчев
За среќа немало повредени здравствени работници. Но според законските измени, напад врз лекар се третира како напад врз службено лице.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа