Груевски: Пензиите и платите во јавниот сектор ќе се зголемат за 10,25%
Програмата со која ВМРО-ДПМНЕ ќе настапи на претстојните предвремени парламентарни избори се вика „Реално“. Програмата е детално попишана на 500 страници која содржи проекти кои се реално остварливи, порача лидерот на партијата Никола Груевски.
Во програмата е предвидено зголемување на пензиите и платите во јавниот сектор.
-За подобрување на стандардот на населението предвидуваме зголемување на платите во јавниот сектор за вкупно 10,25%, во јануари 2018 и во јануари 2020 година, по 5%. Пензиите ќе се зголемат за вкупно 10,25%,и тоа во септември 2018 година и во септември 2020 година, по 5%, рече Груевски.
Тој рече дека тоа е нивната програма, која е убедливо најобемната и најдобра досега, која во себе содржи над 500 страници на проекти и прецизни роковии буџети. Едноставно, додаде тој, ова е програма за сите оние Македонци, Албанци, Турци, Роми, Срби, Бошњаци, Власи и останати кои сакаат да живеат во унитарна и суверена Македонија, а не во држава со кантони, федерални единки.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
