Димовски: Имаме обврска да ја заштитиме Македонија за нашите идни поколенија

Носителот во Изборната единица 3, Илија Димовски и кандидатот за пратеник Емил Димитриев денеска остварија средба со граѓаните на Македонска Каменица, на која се зборуваше за новите проекти од програмата „Реално“.

Димовски пред граѓаните на Македонска Каменица  истакна дека треба да му се заблагодариме на Заев што пред време ги кажа сите црни сценарија за двојазичност и за уништување на Македонија и додаде дека народот сега е свесен што планира Заев и ќе застане зад својата држава и ќе ја одбрани.

-Над 93% од македонскиот народ се изјасни дека е против двојазичност  и на овие избори мораме да се обединиме против сите сценарија, односно имаме обврска да ја заштитиме Македонија и нашите идни поколенија, вели Димовски.

mk-kamenica1

Димовски додаде дека Зоран Заев ја има заборавено цела Источна Македонија и дека во Македонска Каменица се гради само кога ВМРО-ДПМНЕ е на власт.

Воедно носителот во ИЕ3 се осврна и на проектот Рурални развојни зони кои како што кажа ќе допринесе за сите странски и домашни компании да инвестираат надвор од градовите односно во селата и другите помали населени места.

На крајот Димовски додаде дека ќе продолжи изградбата на нови автопати, магистрални и локални патишта во овој дел од Македонија.

 
 
07.12.2016 - 19:59

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега