Управниот Суд денеска продолжува со разгледување на тужбите до ДИК
Управниот суд денеска треба да разгледа уште две тужби што ги поднесе Коалицијата предводена од СДСМ и една ВМРО-ДПМНЕ за решенијата на Државната изборна комисија (ДИК) за приговорите за предвремените парламентарни избори на 11 декември.
Управниот суд вчеравечер одржа две седници на кои разгледуваше две други тужби поднесени од Коалицијата предводена од Социјалдемократскиот сојуз на Македонија за предвремените парламентарни избори.
На првата седница беше разгледувана поднесената тужба од Коалицијата предводена од СДСМ за УРП.бр.513/2016 за поништување на Решението на Државната изборна комисија УП1.бр.10-493 од 17.12.2016 година.
На втората седница на Судот, пак, се разгледуваше поднесената тужба од Коалицијата предводена од СДСМ УРП.бр.514/2016 за поништување на Решението на Државната изборна комисија УП1.бр.10-490 од 17.12.2016 година.
Коалицијата предводена од СДСМ поднесе четири тужби до Управниот суд, а една тужба поднесе ВМРО-ДПМНЕ.
Одлуките по тужбите Управниот суд треба да ги донесе најдоцна 24 часа по расправата по нив и да ги објави на неговата веб страница. Одлуките на Управниот суд се конечни.
Советот на судии е составен од Весна Јовановска, претседател и членовите Бурим Сејдини, Анета Џигерова, Ѓоко Живковски и Драгослав Радичевски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
