Гочевски: СДС манипулира со пензионерите
СДС ги потценува и манипулира пензионерите. Ветуваа покачени пензии, а добија укинување на покачувањето, велат од ВМРО-ДПМНЕ.
-Во време на ВМРО-ДПМНЕ пензионерите добиваа по 670 денари покачени пензии месечно, односно годишно тоа е над 8.000 денари плус. Денес со исплатата на последната пензија нема покачување. Напротив тие направија само законско усогласување што е и обврска со закон со што добија наместо 670, 180 денари, во просек. Ова е манипулација со пензионерите, истакна Методија Гочевски од ВМРО-ДПМНЕ.
Потенцира дека СДСМ ги оштети македонските пензионери за 8.000 денари покачување кое ќе го добиваа со владата на ВМРО-ДПМНЕ.
-Ова ли го заслужија пензионерите? СДС освен што крати од пензиите, во само три месеци колку се на власт ја задолжија државата за 170 милиони евра, а дополнително од државните девизни резерви стопија 177 милиони евра, што вкупно е над 340 милиони евра граѓански пари кои што треба да ги вратат нивните деца и внуци. СДС потроши над 46 милиони евра народни пари на стоки и услуги што предвидуваат набавка на мебел и луксузирање како и склучување на договори со партиските послушници, посочи Гочевски.
Додаде дека Владата покажува неспособност која ќе биде казнета од граѓаните.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
