Драма во Тетово: Ја искршил од ќотек невенчаната сопруга
Дваесет и тригодишна жителка на тетовско Камењане, вчера пријавила семејно насилство кое два дена пред тоа, на 19-ти септември, го извршил нејзиниот невенчан сопруг. Се работи за 31-годишниот Ф.К. од Гајре, со кого живеела помалку од една година.
Од СВР Тетово информираат дека по кусата меѓусеба вербална расправија, ја фатил за коса и потоа повеќе пати ја удрил со тупаници и шлаканици, нанесувајќи и видливи повреди.
Нешто подоцна, пријавителката заминала кај родителите, се обратила за лекарска помош и побарала кривичен прогон.
Пријавениот Ф.К. денеска ќе биде повикан во Секторот за внатрешни работи Тетово и по целосното расчистување на случајот ќе се соочи со соодветен поднесок.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа