Вардар домаќин на Сосиедад во обид да ги освои првите бодови во Лига Европа

Македонскиот фудбалски шампион Вардар вечер од 19 часот на Националната Арена „Филип Втори“ го пречекува Реал Сосиедад во натпревар од третото коло во Лигата на Европа.

Иако шпанскиот состав е голем фаворит, црвено-црните ќе се обидат да го изненадат силниот противник и да ги запишат првите бодови во второто по квалитет клупско континентално натпреварување.

Освен Дарко Велковски, Владица Брдаровски и Висар Муслиу, сите играчи кои се на списокот за Лигата на Европа вчеравечер го одработија последниот тренинг и подготвени одат на мегдан со Сосиедад.

Во првите две кола, Вардар два пати беше поразен (Зенит и Розенборг), додека Реал Сосиедад има една победа (Розенборг) и еден пораз (Зенит).