ВМРО-ДПМНЕ: СДС се заплеткува во сопствените лаги, овие избори беа најнерегуларни во независна Македонија

СДС продолжува да лаже и да се заплеткува во сопствените лаги. Изборниот процес во Република Македонија се одвиваше во тензична атмосфера со прекин на гласањето на повеќе избирачки места и со низа нерегуларности како:  инциденти, закани, уцени, и поткуп, велат од ВМРО-ДПМНЕ.

-СДС со овој начин на криминално делување фрли црна дамка на изборниот процес во Македонија. СДС со ништо не ги демантираше фактите и доказите кои ги предочи ВМРО-ДПМНЕ, а кои беа објавени во медиумите, од кои јасно се гледаше како се вршел изборен поткуп, сигнализираа на закани и уцени од страна  на власта. Во голем број на избирачки места е направен т.н. бугарски воз со што се полнети гласачките кутии со ливчиња однапред заокружени за кандидатите за градоначалници и советници од СДС, стои во соопштението од ВМРО-ДПМНЕ и се додава:

„СДС продолжува со оваа криминална политика и врши изборен поткуп за време и на вториот круг од локалните избори, за што сведочат информациите објавени во медиумите. Со враќање на правната држава и демократијата во Македонија, СДС и нејзините партиски активисти кои ги кршат законите и вршат изборен криминал ќе се соочат со кривична одговорност за своите криминални дејствија“.