Неправилности во гласањето во Кисела Вода
Вчера за време на гласањето на стари и изнемштени лица, на гласачко место во Кисела Вода се забележани нерегуларности.
Од МВР известуваат дека првата е направена вчера во 12 часот и 17 минути во Полициска станица Кисела Вода се јавил претседателот на Општинската изборна комисија Кисела Вода и пријавил дека истиот ден околу 11,00 часот на улица „Јабланица“ кај лице кое е старо и изнемоштено и затоа гласало во својот дом во присуство на Избирачка комисија во состав од претседател и тројца членови, откако лицето гласало, еден член на комисијата го сликал неговото гласачко ливче.
Истиот ден, но нешто подоцна во 14 часот и 20 минути член на Општинска избирачка комисија Кисела Вода, пријави дека при разнесување на гласачки материјали на гласачко место број 2746 лоцирано во Месна заедница "11-ти Октомври" од страна на претседател на Избирачкиот одбор сликан е кочан со гласачки ливчиња со број на избирачко место.
Полицијата работи на расветлување двата случаи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
