Трагедија во Македонија: Работник починал на лице место
Околу 08 часот и 50 минути било пријавено дека на улицата „Гевгелиски партизански одреди“ во Гевгелија, при изведување на градежни работи, починал маж.
Полицијата информира дека се работи за 61-годишниот С.А. од Гевгелија кој паднал од голема висина при што од здобиените повреди починал на местото на настанот.
Смрт без траги на насилство била констатирана од страна на лекар од Итна медицинска помош. Увид на местото на настанот извршила екипа од Надворешна канцеларија за криминалистички работи Гевгелија.
По наредба на Јавен обвинител телото било пренесено во Институтот за судска медицина Скопје за обдукција.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
