Пожар пеплоса куќа во Ресен, две семејства останаа без кров над глава (видео)
Пожар кој избувнал утринава околу 11 часот и 20 минути во Ресен на улица „11. Септември“ целосно пеплоса една куќа, а делумно ја зафати соседната. Во пожарот нема повредени лица.
Очевидци за ТВ Орбис раскажуваат за големиот пожар кој ги остави без покрив над глава две семејства од Ресен.
По дојавата за пожар во Територијалната противпожарна единица во Ресен веднаш било излезено на терен и започнала акцијата за првично локализирање на пожарот, со цел тој да не ги зафати соседните куќи. Но силниот ветер правел проблеми во гасењето, па помош била побарана и од Територијалната противпожарна единица во Битола, јавува телевизијата.
Пожарот целосно ја пеплосал едната куќа од каде што започнал, а се проширил и на соседната куќа на која изгорен е само кровот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
