Тешка кражба во Тетово - „оперирал“ по маркети, обложувалници, менувачници и џамии
Секторот за внатрешни работи Тетово поднесе кривична пријава против 24-годишниот Џ.И. од село Дебреше, гостиварско, поради постоење основи на сомнение за сторени 13 кривични дела „тешка кражба“ и седум кривични дела „тешка кражба во обид“.
Во периодот од мај 2017 година до јануари 2018 година на подрачјето на Тетово, пријавениот со употреба на физичка сила и погоден предмет, влегувал во спортски обложувалници, маркети, продавници, аптеки, сендвичари, менувачница, осигурителни компании и џамија, каде што одземал пари, цигари, метален сеф и пиштол. На тој начин пријавениот се стекнал со противправна имотна корист од околу 295.000 денари.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
