Сообраќајка на патот Охрид-Кичево: Три лица веднаш префрлени во болница
Вчера во 19:35 часот на магистралниот пат Охрид-Кичево, помеѓу село Мешеишта и село Требеништа, дошло до судир помеѓу патничко возило „Ауди“ со охридски регистарски ознаки, управувано од 36-годишниот И.Б. од село Мешеишта и патничко возило „Опел Мерива“ со скопски регистарски ознаки, управувано од 41-годишниот Г.М. од Скопје.
Од судирот со тешки телесни повреди се здобиле сопатниците во возилото „Опел Мерива“, С.М.(61) и А.М. (66). Тие биле пренесени и задржани во болницата „Св.Еразмо“ во Охрид. Со телесни повреди се здобиле сопатникот во возилото „Опел Мерива“ А.Г.Г. (36) од Скопје, како и возачите на двете возила.
По укажаната помош тие биле пуштени на домашно лекување. Увид на местото на настанот извршила екипа од СВР Охрид.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа