„Магионичарот“ кој го запре Роналдо: Чувал овци, спиел на улица и работел како чистач да преживее, а сега е ѕвезда

Животната приказна на голманот на Иран, 25- годишниот Алирезе Бејраванд , ќе ве остави без здив.

Иранскиот голман избегал од куќата како дете и неколку години живеал како бездомник. Кога почнал да се занимава со фудбал спиел пред стадионот на локалниот тим за кој тогаш тренирал. Дури луѓето му давале пари мислејќи дека проси, а еве судбината сакаше десет години подоцна да одбрани пенал на еден од најдобрите играчи на светот.

„Спиев пред вратата на клубот за кој тогаш тренирав и се сеќавам едно утро кога се разбудив најдов пари пред мене кои луѓето ги оставале мислејќи дека просам, но не беше така. Сепак, тоа утре после долго време имав убав доручек и тоа секогаш ќе го паметам. Животот не беше лесен за мене, но никогаш не сакав да се откажам од своите соништа.“ – порача Бејраванд.

Роналдо ја презеде одговорноста да шутира пенал, но мрежата не се затресе.Топката ја сопре голманот Алирези, по што сигурно ќе остане запаметен!