Малолетник итно донесен на Ургентен во Скопје по страшна сообраќајка

Во 19:30 часот се случила сообраќајна незгода помеѓу патничко моторно возило „Фолксваген Голф“ со тетовски регистерски таблици управувано од 43-годишниот Ф.К. од Тетово и мотоцикл „Кумко“ управуван од 17-годишно лице од Тетово. 

Во незгодата моторциклистот се здобил со тешки телесни повреди и со возило на Итна медицинска помош бил пренесен во Клиничката болница во Тетово, но поради сериозноста истиот бил префрлен во Комплексот клиники „Мајка Тереза“ во Скопје.

Увид на местото на настанот извршила увидна екипа од СВР-Тетово и се работи на целосно расчистување на случајот.