Трагедија во Македонија: Отишле да сечат дрва, починал пред очите на синот

Околу 12:00 часот на место викано „Ормане - Царев Дол“, атар на Берово, 51-годишниот Г.Ѓ.  од Берово, кој бил со повеќе лица меѓу кои и неговиот син, вршејќи сеча на борови стебла се здобил со повреди во пределот на главата.

Од страна на присутните му била пружена помош, по што со возило на Итна медицинска помош, поради сериозноста на повредите бил пренесен во болница каде починал.

Увид на местото на настанот извршила екипа од Полициската станица Берово. Се преземаат мерки за расчистување на случајот.