Пратеничката на ВМРО-ДПМНЕ демантира: Ниту сум гласала на референудмот ниту ќе гласам за Уставот

Пратеничката на ВМРО-ДПМНЕ, Жаклина Пешевска, чие име се споменуваше во медиумите меѓу оние пратеници на опозицијата кои гласале на референдумот, денеска на социјалните мрежи вели дека таа информација не е точна.
„ Како Пратеник во Собранието на Република Македонија од ВМРО-ДПМНЕ чуствувам потреба најнапред да повторам дека на референдумот оддржан на 30ти Септември не излегов на гласање и вооедно да Ве информирам дека имам дадено свечена изјава пред Собранието на Република Македонија дека ќе го почитувам Уставот и Законите и врз основа на тоа немам мандат од граѓаните да гласам за промена на Уставот со цел промена на уставното име на Република Македонија!“ – напиша Пешевска на социјалните мрежи.

За разлика од неа, пратеникот Драган Данев потврди дека гласал на референдумот но рече дека нема намера да гласа за промена на Уставот. Идентично постапи и пратеничката Даниела Рангелова која за медиумите вели дека нема да поддржи уставни промени.