Заврши огласот во ВМРО ДПМНЕ – за неколку дена ќе се знаат кандидатите
Најдоцна до 5 февруари ќе се знае кој се пријавил на јавниот оглас за претседателски кандидат на ВМРО-ДПМНЕ, откако вчера истече рокот за пријавување кандидатури. На 16 февруари на конвенцијата во Струга партијата ќе го избере партискиот кандидат за претстојните претседателски избори.
Засега е познато во јавноста дека кандидатури поднесоа пратеникот Владимир Ѓорчев и Филип Петровски. Во јавноста како можен кандидат се споменува и името на професорката Гордана Силјановска Давкова, но од партијата засега нема потврда дека таа се пријавила на огласот кој заврши вчера.
Извршниот одбор на СДСМ в недела ќе донесе одлука дали се за барањето на опозицијата, заедно се претседателските да се одржат и парламентарни избори. Минатата недела на состанокот на Централниот одбор беше започната процедурата за пријавување кандидати за претседателските узбори, но засега нема официјално ниту едно име.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
